Баянхонгор аймгийн Бууцагаан сумын Баянбүрд дөрөвдүгээр багийн малчин Ч.Цэгмид Улаанбаатар хот хүртэлх 790 км замыг туулахаар өнгөрсөн тавдугаар сарын 10-нд гүйлтээ эхлүүлсэн.

Өдгөө 60 настай тэрбээр өөрийн хаваржаа болох Хавтгай улааны арын хонд хэмээх газраас холын зайн гүйлтээ эхлүүлж байсан билээ. Тэгвэл тэрбээр өнөөдөр 11:40 минутад Улаанбаатар хотын Сүхбаатарын талбайд товлосон хугацаандаа барианд орж ирлээ. 

Дөрвөн хүүхдийн эх, малчин эмэгтэй Ч.Цэгмид Баянхонгор аймаг байгуулагдсаны түүхт 80 жилийн ой, Монгол улсын Гавьяат багш Н.Биндэръяагийн нэрэмжит Номгон сургуулийн 60 жилийн ойд зориулан малчдын тэсвэр хатуужлыг харуулахаар ийнхүү нийт малчдаа төлөөлөн гүйсэн юм. 

---