Хамба лам З.Санждоржийг хүчингийн хэрэгт холбогдсон гэх мэдээлэл зарим хэвлэл мэдээллийн хэрэгслээр цацагдсан. Үүнтэй холбогдуулан тэрбээр өнөөдөр хэвлэлийн бага хурал хийж, мэдээлэл өгч байна.

Хамба лам З.Санждорж:

-Гутаан доромжилж, ямар ч үндэслэлгүй гүтгэж гэмт хэргийн шинжтэй үйлдэл гаргаж байгаа явдлыг би цагдаа, хууль хяналтын байгуулагад хандаж, өөрийн нэр төр, ажил төрлийн хүндээ сэргийлгэх болно. Үүнийг Монголын нийт ард түмэнд мэдэгдэж байна. 

Бурхан шашинтны төв Гандантэгчэнлин хийдээс намайг хөөгөөгүй, би халагдаагүй. Одоо болтол багшилж байгаа. Би үг болгоноо баримттай ярина.

Эрүүгийн хэрэгт холбогдсон гэдэг мэдээлэл ор үндэсгүй. Нэр хүндийг маань гутааж байгаа учраас өнөөдөр мэдээлэл өгч байна. Хүчингийн хэрэг хийсэн гэдэг бол ямар ч ор үндэслэлгүй гүтгэлэг.

Намайг гүтгэсэн этгээдүүдийг би шүүхэд өгнө, нэр төрөө цэвэрлүүлнэ гэв. 

---