Өнөөдөр /2022.05.30/ нийслэл хотноо өрнөх үйл явдлын мэдээллийг хүргэе.

9:30 цагт УБТЗ-ын Соёлын ордонд “Ажлын байранд эерэг хандлага түгээе” зорилтод аяны хүрээнд Эрүүгийн цагдаагийн тасгаас хүндэтгэл ёслол зохион байгуулна. Утас: 91399149

10:00 цагт Төрийн ордонд УИХ дахь МАН, АН-ын бүлэг хуралдана.

-Сүхбаатарын талбайд Дорноговь аймгийн Даланжаргалан сумын малчид Ерөнхийлөгч, УИХ-ын дарга, Ерөнхий сайд нарт шаардлага хүргүүлж, тайван жагсаал зохион байгуулна. Утас: 99051075, 89780042 

-Нийслэлийн ИТХ-ын ээлжит XIV хуралдаан хуралдана. 

-Ахмад настны ээлтэй орчинг үнэлсэн судалгааны үр дүнг танилцуулах арга хэмжээг Grand зочид буудлын 17 давхарт зохион байгуулна. Уг арга хэмжээнд Улаанбаатар хотын 6 дүүргийн зорилгот бүлгийн 60-аас дээш настангууд оролцоно. 

11:30 цагт "Монгол ньюс" мэдээллийн төвд иргэн Д.Даваадорж 12 хүртэлх насны хүүхдийн бэлгийн хүчирхийллийн нөхцөл байдлын тухай болон “Positive networks” төслийн талаар мэдээлнэ.

12:00 цагт "Монгол ньюс" мэдээллийн төвд Зариг.мн болон дэмжигч байгууллагууд хамтран хүүхдийг зам тээврийн ослоос урьдчилан сэргийлэх "Тавхан хором хүлээе" төсөл амжилттай хэрэгжсэн талаар мэдээлнэ.

-Чойжин ламын сүм музейд хөгжлийн бэрхшээлтэй хүүхдүүд болон тэдний гэр бүлд түүх, соёлын өвийг таниулан сурталчлах зорилготой “МУЗЕЙ БА ХҮҮХДҮҮД” өдөрлөг болно.

12:30 цагт "Монгол ньюс" мэдээллийн төвд Эх, үрсийн баярыг тохиолдуулан “Монгол хурандаа нийгэмлэг”-ээс эмэгтэй цэргийн алба хаагчид болон хүүхдүүдэд зориулсан хүндэтгэлийн ёслол зохион байгуулах талаар мэдээлнэ.

13:00 цагт Төрийн ордонд Төсвийн байнгын хороо хуралдаЖ Засгийн газрын шугамаар хандивлагч орон, олон улсын байгууллагаас авсан зээл, тусламжийн ашиглалт, үр дүнгийн талаарх Үндэсний аудитын газраас гүйцэтгэсэн аудитын тайланг хэлэлцэнэ. 

14:00 цагт Төрийн ордонд Улаанбаатар хотын хөгжлийн асуудал эрхэлсэн түр хороо хуралдана.

15:00 цагт Төрийн ордонд Нийгмийн бодлогын байнгын хороо хуралдаж Хорт хавдрын өвчлөл, өнөөгийн байдал, цаашид авч хэрэгжүүлэх арга хэмжээний талаарх Эрүүл мэндийн сайдын мэдээлэл сонсоно.

---