Монгол Улсын Гамшгаас хамгаалах тухай хууль, гамшгаас хамгаалах талаар төрөөс баримтлах бодлого , хөтөлбөр, Гамшгийн эрсдэлийг олон нийтийн оролцоотой бууруулах үндэсний хөтөлбөрийг хэрэгжүүлэх хүрээнд Монгол Улсын шадар сайд, Онцгой байдлын Ерөнхий Газар, Сэлэнгэ аймгийн Засаг даргын гурвалсан үр дүнгийн гэрээг байгуулсан билээ.

Үр дүнгийн гэрээний хэрэгжилтийн бэлтгэлийг хангуулах ажлын хүрээнд Онцгой байдлын Ерөнхий газрын дэд дарга, сургуулийн удирдагч, бригадын генерал Б.Ууганбаяр Мандал суманд ажиллалаа. Сэлэнгэ аймгийн Мандал суманд “ Гамшгаас хамгаалах иж бүрэн сургууль”сургалтыг зургаадугаар сарын 3-5-ны өдрүүдэд зохион байгуулна. Энэ хүрээнд тус сургалтын үйл ажиллагааг төрөөс баримталж буй бодлогод нийцүүлэн, зардал багатай, үр өгөөж ихтэйгээр зохион байгуулахыг Онцгой байдлын Ерөнхий газрын дэд дарга, сургуулийн удирдагч, бригадын генерал Б.Ууганбаяр уриаллаа.

 

---