УИХ дахь олонхын бүлгийн гишүүдийн дийлэнхийн саналаар бүлгийн дарга Б.Ганбатыг огцруулсан. Гэвч УИХ-ын дарга Г.Занданшатар "УИХ-ын тухай хуульд энэ талаар нарийн зааж өгөөгүй тул хэлэлцэх боломжгүй" хэмээн цааргалсан. 

Үүнтэй холбогдуулж УИХ дахь АН-ын бүлгийн гишүүд УИХ-ын тухай хуульд нэмэлт өөрчлөлт оруулах хуулийн төслийг УИХ-ын даргад өргөн барьсан талаар УИХ-ын гишүүн О.Цогтгэрэл нар мэдээлэл хийлээ. 

УИХ-ын гишүүн О.Цогтгэрэл: 

-УИХ дахь АН-ын бүлгийн гишүүдийн олонхын гаргасан шийдвэрийг УИХ, тэр тусмаа УИХ-ын дарга биелүүлэхгүй байгаа учир бид УИХ-ын тухай хуульд нэмэлт өөрчлөлт оруулах /ганцхан өгүүлбэр өөрчилсөн/ хуулийн төслийг УИХ-ын даргад өргөн бариад гарч ирлээ. Энэхүү хуулийг УИХ-ын чуулганы ирэх долоо хоногийн хуралдаанаар яаралтай горимоор хэлэлцэн шийдвэрлэхийг хүсэж байна. 

Бид энэ асуудлаар өмнө нь УИХ-ын даргад хандахад "УИХ-ын тухай хуульд нарийн зохицуулсан заалт байхгүй байна" хэмээсэн. 

УИХ-ын тухай хуульд өөрчлөлт орсноор УИХ дахь бүлгийн даргыг солих асуудал тодорхой болох болно гэв. 

---