Одоогийн байдлаар ОХУ, Украины төлөөлөгчдийн хооронд ямар ч хэлэлцээ өрнөхгүй байгаа бөгөөд Киев энхийн хэлэлцээрийг зогсоосон гэж Оросын Гадаад хэргийн дэд сайд Андрей Руденко мэдэгдсэн байна.

Тэрээр "ТАСС" агентлагийн асуултад хариулахдаа "Энхийн хэлэлцээ үргэлжлэхгүй байгаа. Үнэн хэрэгтээ Украины тал хэлэлцээрийн үйл явцыг зогсоосон" гэжээ. Түүнчлэн Киевийн төлөөлөгчид Оросын санал болгосон энхийн гэрээний төсөлд одоог хүртэл хариу өгөөгүй болохыг ноён Руденко дурдсан юм.

Үүнээс өмнө ОХУ-ын Ерөнхийлөгч Владимир Путин Финландын Ерөнхийлөгч Саули Ниинистотой утсаар ярихдаа "Украины тал үр дүнтэй яриа хэлэлцээ хийх сонирхолгүй байгаа учир Москва-Киевийн энхийн хэлэлцээ түр зогссон" гэж хэлсэн байна.

Эх сурвалж: ТАСС

---