Өнөөдөр /2022.05.12/ нийслэл хотноо өрнөх үйл явдлын мэдээллийг хүргэе.

8:30 цагт

МҮХАҮТ-д тусгай хэрэгцээт иргэдийн боловсрол эзэмшихэд тулгарч буй асуудлыг шийдэх арга замыг тодорхойлох “Сурах эрх” зөвлөлдөх уулзалт болно.

9:00 цагт

- Улсын гуравдугаар төв эмнэлэгт ”Анхан ба хоёр дахь шатлалын эмнэлгийн мэргэжилтний төгсөлтийн дараах сургалтыг сайжруулах төсөл”-ийн үр дүнгийн тайлан, “Эмч ба сувилагчийн төгсөлтийн дараах сургалтыг сайжруулах төсөл”-ийн хүрээнд хэрэгжүүлэх үйл ажиллагааг танилцуулна.

- ШУТИС-ийн хичээлийн VIII байранд "Ажлын байр-2022" өдөрлөг болно.

- Төрийн ордонд "Өсвөрийн парламент" хөтөлбөрийн хаалт болно.

9:20 цагт 

АНУ-ын Олон улсын хөгжлийн агентлагийн санхүүжилтээр НҮБ-ын Хүүхдийн сангаар дамжуулан нийлүүлсэн эм, эмнэлэгийн хэрэгслийг гардуулан өгөх ёслолын ажиллагаа ЭМЯ-нд болно. 

9:30 цагт

Хан-Уул дүүргийн Эрүүгийн хэргийн анхан шатны шүүхэд МУГТ, Олимпын аварга Н.Түвшинбаярыг гэм буруутай эсэхийг дэнслэх шүүх хурал болно. Талуудын гаргасан хүсэлтийг харгалзан уг хурлыг хаалттай явуулахаар болжээ.

10:00 цагт 

- Төрийн ордонд “Сувилагчид ээлтэй Монгол” сувилахуйн үндэсний чуулган болно.

- Төрийн ордонд УИХ-ын чуулган хуралдана

11:00 цагт 

- ХЗҮХ-ийн “Хуульчдын танхим”-д Хууль зүйн ухааны доктор, Гавьяат багш Шарын Цогтоогийн “Монгол Улсын захиргааны эрх зүй: Ерөнхий, тусгай анги” номын нээлт болно. Утас: 98066116

- АН-ын төв байранд тус намын 4/11 хэвлэлийн хурал болно.

12:00 цагт

 “Үндэсний мэдээллийн төв”-д Нийгмийн даатгалын сангийн санхүүд маш ноцтой алдаа дутагдал гарч байгаа талаар иргэний нийгмийн байгууллагууд хэвлэлийн хурал хийнэ.

14:00 цагт 

- “Холидэй Инн” зочид буудалд Монголын барилгын үндэсний ассоциацийн гишүүн компаниудын нэгдсэн чуулган болно. Утас: 80019000

- ГХЯ-нд Монгол Улсын Гадаад харилцааны яам, Их Британи Умард Ирландын Нэгдсэн Хаант Улсын Гадаад хэрэг, хамтын нөхөрлөл, хөгжлийн яамны Улс төрийн зөвлөлдөх уулзалт болно.

15:00 цагт

Төрийн ордонд “Чөлөөт бүсийн хөрөнгө оруулагчдын хэлэлцүүлэг” болно.

---