УИХ-аас энэ оны улсын төсвийн алдагдлыг бууруулах, хэмнэлтийн бодлогод шилжих шийдвэр гаргаж, Засгийн газрын 388 дугаар тогтоолын дагуу төрийн өмчит байгууллагууд тавилга худалдан авахыг хориглосон. 

Энэхүү тогтоол 2021 оны арван хоёрдугаар сарын 22-ны өдөр батлагдаж түүнээс хойш төрийн өмчит байгууллагууд тавилга худалдан авах 1.3 тэрбум төгрөгийн тендерээ цуцлаад буй юм.

Одоогоор:

• Улсын дээд шүүх – 400 сая төгрөг,
• Цахилгаан дамжуулах үндэсний сүлжээ – 77 сая төгрөг,
• Улаанбаатар цахилгаан түгээх сүлжээ – 137.7 сая төгрөг,
• Тавантолгой дулааны цахилгаан станц – 65.8 сая төгрөг,
• Багануур зүүн өмнөд бүсийн цахилгаан түгээх сүлжээ – 61.9 сая төгрөг,
• Диспетчерийн үндэсний төв – 114.8 сая төгрөг,
• Дорноговь аймгийн Орон нутгийн өмчийн газар – 200.5 сая төгрөг,
• Баянхонгор аймгийн Заг сумын Засаг даргын Тамгын газар – 45 сая төгрөг,
• Хан-Уул дүүргийн худалдан авах ажиллагааны алба – 200 сая төгрөг,
• Дорноговь аймгийн Сайншанд сумын засаг даргын тамгын газар – 20.1 сая төгрөгөөр тус тус оффиссын тавилга худалдан авахаар тендер зарласныг хүчингүй болгожээ.

Хамгийн сүүлд анхан болон давж заалдах шатны шүүхэд тавилга худалдан авах 359,000,000₮ үнийн дүн бүхий тендер цуцлагджээ.

Сангийн яам, Төрийн худалдан авах ажиллагааны газар хамтран Засгийн газрын 388-р тогтоолын хэрэгжилтэд хяналт тавьж байна.

 

---