Нийслэлийн Мэргэжлийн хяналтын газраас Нийслэлийн 9 дүүрэгт ил задгай худалдаа, үйлчилгээ эрхэлж буй иргэдэд арга зүйн зөвлөмж, зөвлөгөөг өгч ажиллажээ. 

Хуваарийн дагуу дүүрэг дэх Мэргэжлийн хяналтын хэлтэс, дүүргийн Засаг даргын тамгын газрын хүнс, худалдаа, үйлчилгээний хэлтэстэй хамтран 2022 оны 05 дугаар сарын 09-ний өдөр ил задгай хүнс болон ахуйн барааны худалдаа эрхлэгч 65 иргэдтэй уулзалт хийсэн байна.

НМХГ-ын дэд дарга Б.Алтантуяа, ХАБХААХХ-ийн хүнсний чанар, стандартын хяналтын улсын ахлах байцаагч Х.Чимгээ, тус дүүрэг дэх Мэргэжлийн хяналтын хэлтсийн албан хаагчид оролцон ил задгай хүнсний бүтээгдэхүүн, жимс, ногоо, ахуйн барааны худалдаа эрхэлж буй иргэдэд орчны эрүүл ахуйн нөхцөл, шаардлага, хог хаягдал, хүнсний аюулгүй байдлыг хангахад анхаарах, болзошгүй эрсдэлээс урьдчилан сэргийлэх талаар мэдээлэл өгч, зөвлөн туслах үйлчилгээ үзүүлж, тулгамдаж буй асуудлын талаар санал солилцжээ. 

---