Өнөөдөр /2022.05.06/ нийслэл хотноо өрнөх үйл явдлын мэдээллийг хүргэе. 

7:00 цагт: “Өглөөний гудамж”-ны 2022 оны нээлт болно.

9:00 цагт: “Үндэсний мэдээллийн төв”-д Зүрхний төрөлхийн гажигтай хүүхдүүдэд туслах сайн үйлсийн төсөлд нэгдэхээр ирсэн БНСУ-ын алдарт зураач И Юн Жон болон тус улсын дэлгэцийн урлагийн од Анупам Трипапти нар хэвлэлийн хурал хийнэ.

10:00 цагт: - Төрийн ордонд УИХ-ын чуулган хуралдана.

- МУИС-ийн I байранд “Монгол уран бичлэгийн үзэсгэлэн-2022” болно.

- Биеийн тамир, спортын улсын хороонд “Энхийн гүйлт-2022” буухиа гүйлтийн хэвлэлийн хурал болно. Утас: 99061978, 88019574, 99179013

- МҮХАҮТ-д “Европын холбоонд бүртгүүлсэн Монголын анхны газар зүйн заалтын туршлагаас” уулзалт болно.

11:00 цагт: - Баянгол дүүргийн 96 дугаар сургуульд Батлан хамгаалахын сайд Г.Сайханбаяр цэрэг татлагын ажлын явцтай танилцана.

- "Монгол ньюс" мэдээллийн төвд эсперанто хэлний хөгжилд Монгол Улсын төрийн байгууллагууд саад учруулж  байгаа талаар Дэлхийн хүүхдийн болон ахмадын академиас мэдээлнэ.

- “Үндэсний мэдээллийн төв”-д “Ви Ай Пи авто мото клуб”-ээс “Авто мото фестиваль”-ийн талаар мэдээлнэ.

11:30 цагт: “ХАС Монгол хөдөлгөөн”-өөс “Үндэсний мэдээллийн төв”-д Дорноговь аймгийн Мандах сумын нөхцөл байдал, вьетнам авто засварын газрууд, махны үнийн өсөлтийн талаар хэвлэлийн хурал хийнэ.

12:00 цагт: “Мишээл Экспо” төвд “BARILGA EXPO 2022”-ын хүрээнд “Шинэ орон сууц, хаус дизайн” салбар үзэсгэлэнгийн нээлт болно. Утас: 91000222, 91000200

- С.Зориг агсны хөшөөний дэргэд нийслэлийн АН-аас "Монголоо Беларусь Болгохгүй!" цуглаан зохион байгуулах талаар мэдээлнэ.

16:00 цагт: “Барс Моторс” компанийн байранд Монголын цахилгаан машин угсрах анхны үйлдвэрийн нээлт болно. Утас: 99115308

 

---