Хатгал-Жанхай-Тойлогт чиглэлд 32,4 км, Хатгалын төв замаас Хүзүүвчийн чиглэлийн 5,5 км хатуу хучилттай авто зам тавих ажил амжилттай үргэлжилж байна.

БОАЖЯ-ын захиалгаар Азийн Хөгжлийн Банкны хөнгөлттэй зээлийн хүрээнд гадаад, дотоодын жуулчид хамгийн их аялдаг Хөвсгөл аймгийн Хатгал тосгоноос Тойлогт хүртэлх 37.5 км хатуу хучилттай авто замын ажлыг "Тогтвортой аялал жуулчлалыг хөгжүүлэх төсөл"-ийн хүрээнд хэрэгжүүлж байна. 

Хөвсгөл нуурын эрэг орчмын цэвдгийг хамгаалах технологийн шийдэл бүхий автозамыг ашиглалтад оруулснаар Хөвсгөл нуурын эрэг орчмын тоосжилтыг бууруулах, жуулчдын тав тухтай зорчих боломжийг бүрдүүлэх, аялал жуулчлалаас оруулах эдийн засгийн үр өгөөж нэмэгдүүлэхэд өндөр ач холбогдолтой юм.

Автозам барих хугацаанд түр замыг ашиглалтад оруулж, жуулчдын зорчих, аялах боломжийг ханган ажиллахаар төлөвлөж байна.

---