Сэлэнгэ аймгийн Мандал сумын Зүүнхараа Политехник коллежийн дотуур байрны 100 оюутан, 16 багш, ажилтан “Тохилог хараа” ОНӨААТҮГ-аас санаачилсан "Эх дэлхийгээ хайрлая" аянд нэгдлээ.

Тэд Мандал сумын нэгдсэн хогийн цэгийн урд талын 20 га талбайг өнгөрсөн сарын 28-ны өдөр цэвэрлэсэн юм. "Эх дэлхийгээ хайрлая, хоггүй хот болъё" уриалгад нэгдсэн Зүүнхараа политехник коллежийн хамт олон түүж, цэвэрлэсэн дахивар хогоо “Тохилог хараа” ОНӨААТҮГ-т өгч, тодорхой хэмжээний мөнгөн дүнгээр дахивар хогуудаа борлуулсан юм.

Тодруулбал, нэг кг гялгар уутыг 50 төгрөгөөр, 1 кг хуванцар савыг 100 төгрөгөөр зардаг жишиг тогтсон. Тухайн хаягдал хогуудыг “Тохилог хараа” ОНӨААТҮГ төрөлжүүлэн, нийслэл хотод байрлах дахивар хог боловсруулах үйлдвэрт тушаадаг байна.

---