Цахим гарын үсгийн тухай хуульд нэмэлт өөрчлөлт оруулж, энэ тавдугаар сарын 1-нээс мөрдөж эхлэхээр тогтсон. Хуульд зааснаар Улсын бүртгэлийн байгууллага нь гэрчилгээжүүлэх байгууллага бөгөөд 16 насанд хүрсэн иргэнд таван жилийн хугацаатайгаар тоон гарын үсгийг олгох юм.

Иргэдэд тоон гарын үсэг олгож эхэлсэн талаар болон хэрэгжүүлэх ажлынхаа талаар Улсын бүртгэлийн байгууллагаас өнөөдөр /2022.05.02/ мэдээлэл хийлээ. 

Улсын бүртгэлийн ерөнхий газрын дарга Д.Дэлгэрсайхан "16 насанд хүрсэн иргэн бүрд тоон гарын үсгийг үнэгүй олгож эхэллээ. Иргэний үнэмлэхний чипт, гар утасны аппликэйшнд тоон гарын үсгийг суулгаж байна. Тоон гарын үсгийг олгох ажил үндсэн гурван үе шаттай.

Нэгдүгээрт, 21 аймаг, есөн дүүрэг, зургаан үйлчилгээний төвөөр дамжуулан улсын бүртгэгч нар тоон гарын үсгийг иргэдэд үнэгүй олгож эхэлсэн.

Хоёрдугаарт, КИОСК машинаар дамжуулан тоон гарын үсгийг олгох ажлыг хийнэ.

Гуравдугаарт, Гар утасны аппликэйшн буюу үүлэн технолгийг ашиглан тоон гарын үсгийг олгох ажлыг энэ сард багтаан зохион байгуулна.

Энэ ажил хэрэгжсэнээр иргэд, төрийн байгууллага төрөл бүрийн цахим үйлчилгээг тоон гарын үсгээр дамжуулан авч болно. Цаашлаад маш олон үр өгөөжийг өгнө" гэв.

Тоон гарын үсэг нь таван жилийн хугацаатай бөгөөд хугацаа дуусвал үргэлжлүүлэн сунгах боломжтой. Цахим орчинд үйлчилгээ авах хүсэлтэй иргэд хамгийн түрүүнд энэхүү үйлчилгээг авна гэсэн үг. Уг гарын үсгийг авсан, аваагүй гэж иргэдийг ялгаварлахгүй.

Гэхдээ банканд очоод үйлчилгээ авахад хурууны хээгээ уншуулдаг байсан бол одоо цахим гарын үсгээ оруулах гэх мэтээр танаас тоон гарын үсэг шаардаж эхэлнэ гэдгийг санууллаа. 

Тоон гарын үсэг нь биечлэн очиж зурсан гарын үсгээс илүү ач холбогдолтой байдаг. Бодит амьдралд энэ гарын үсгийг би зурсан, зураагүй гэх асуудал үүсдэг. Харин тоон гарын үсэг энэ асуудлыг байхгүй болгоно.

256 тэмдэгтэй алгоритм өгөгдөл бий. Үүнийг тайлж унших программ байгаа. Гадаадад байгаа иргэд Дипломат төлөөлөгчийн газраар дамжуулан тоон гарын үсгийг авах боломжтой. Цаашид манай байгууллагын бүх үйлчилгээ тоон гарын үсгийг шаардана. УБЕГ иргэнээ таньж баталгаажуулахын тулд иргэнийг биеэр ирэхийг шаарддаг байсан. Харин тоон гарын үсэг ашиглаж эхэлснээр шилжилт хөдөлгөөний бүртгэлийг цахимаар хийх бололцоо бүрдэж байна.

2023 оноос цахим гадаад паспортыг ашиглаж эхлэх бөгөөд үүний дэд бүтцийг тоон гарын үсгээр шийдэж буй аж. Цаашид иргэд тоон гарын үсгээр маш олон үйлчилгээг авах хаалга нээгдэх юм. Жишээ нь 

Тоон гарын үсэгт шилжихийн тулд 5.8 тэрбум төгрөгийг зарцуулна. Үүнд техник хангамж, программ хангамж, 15 сая хэрэглэгчийн лицензийн үнэ орсон. 

---