УИХ-ын гишүүн Ё.Баатарбилэг, Н.Алтанхуяг, Г.Амартүвшин, Х.Ганхуяг нарын гишүүдийн бүрэн эрхийг түдгэлзүүлэх саналыг Улсын Ерөнхий прокурор Б.Жаргалсайхан УИХ-ын дарга Г.Занданшатарт хүргүүлсэн. Уг асуудлаар Халдашгүй байдлын дэд хороо өнөөдөр 10:30 цагт хуралдахаар товлосон билээ.

Улсын Их Хурлын гишүүний Халдашгүй байдлын дэд хорооны бүрэлдэхүүнд УИХ-ын гишүүн С.Батболд, Б.Бат-Эрдэнэ, Ц.Мөнх-Оргил, С.Бямбацогт нар багтдаг. Ийнхүү Халдашгүй байдлын дэд хороо уг дөрвөн гишүүний асуудлаар хуралдсаны дараа үргэлжлүүлэн Хууль зүйн байнгын хороо, Төрийн байгуулалтын байнгын хороод хуралдах юм.

УИХ-ын гишүүн Б.Бат-Эрдэнэ: 

-Би тав дах удаагаа УИХ-д сонгогдож ажиллаж байна. Миний байр суурь тодорхой байгаа. Хэрэг асуудалд холбогдсон УИХ-ын гишүүд бүрэн эрхээ түдгэлзүүлээд, хуулийн байгууллагад ажиллах бололцоог нь олгож, шалгуулах хэрэгтэй гэсэн байр суурьтай байгаа.

---