Өнөөдөр буюу дөрөвдүгээр сарын 23-нд Улаанбаатар хотод суурин 36 цэгт 36 багийн 142 эмч, ажилтан ажиллана.

Та өөрт ойр вакцины аль ч цэгт очиж коронавирусийн эсрэг дархлаажуулалтад хамрагдах боломжтой. Дархлаажуулалтын цэгүүд 10:00-15:00 цаг хүртэл ажиллана.

Өчигдөр нийслэлийн хэмжээнд I тунд 5, II тунд 10, III тунд 77, IV тунд 86, нийт 178 иргэнийг дархлаажуулсан байна.

Вакцинжуулалт эхэлснээс хойш нийслэлийн зорилтот хүн амын I тунгийн хамралт 75.2 хувь, II тунгийн хамралт 72.1 хувь, III тунгийн хамралт 54 хувь, нэмэлт IV тунгийн хамрагдалт 6.8 хувь байна. Зорилтот бүлгийн буюу 3,039 (25.5 хувь) жирэмсэн эх, 12-15 насны 68,795 (77.4 хувь), 16-17 насны 27.096 (80 хувь) хүүхэд вакцинаа хийлгэжээ.

Маргааш буюу Ням гарагт дархлаажуулалтын цэгүүд ажиллахгүй. Харин дөрөвдүгээр сарын 25-ны Даваа гарагаас төлөвлөлтийн дагуу ажиллах аж. 

---