АНУ-ын зүүн хойд хэсгийн мужууд хүчтэй цасан шуурганд өртсөний улмаас 300 мянга орчим хэрэглэгч цахилгаангүй болсны 200 мянга нь Нью-Йорк мужийн иргэд аж. Албаныхны мэдээлснээр, зарим газарт 30 см гаруй цас орсон байна.

Өмнө зүгийн Виржиниа мужийн оршин суугчид хавар ирэхийг тэсэн ядан хүлээж байсан ч их хэмжээний цасан шуурганд өртөөд байгааг орон нутгийн иргэд хэлжээ. Түүнчлэн зүүн хойд бүсийн бусад хэд хэдэн мужид цасан шуурга дэгдэж, нойтон цас орон, салхины хурд 64 км/цагт хүрнэ гэж Үндэсний цаг уурын албанаас сэрэмжлүүлсэн байна.

Нью-Йорк мужийн эрх баригчид иргэдийг боломжтой бол замаас хол байхыг зөвлөжээ. Пенсильвани болон Баруун Виржиниа мужид цасны улмаас авто замын хэд хэдэн осол гарч, бүс нутгийн хурдны замд томоохон түгжрэл үүсэн аж. Харин Бостон, Нью-Йорк зэрэг далайн эргийн хотуудад хүчтэй салхи дэгдэж, аадар бороо орон, үер буусан байна.

Эх сурвалж: BBC

---