Хаврын тариалалтын бэлтгэл ажил, мах, гурилын үнийг тогтворжуулах талаар Монгол улсын Засгийн газраас ямар бодлого баримталж байгаа талаар ХХААХҮ-ийн сайд З.Мэндсайханаас тодрууллаа. 

ХХААХҮ-ийн сайд З.Мэндсайхан: 

-Үр тариа, хүнсний ногоо тариалах ажил тавдугаар сарын эхний долоо хоногоос жигдэрнэ. Өнгөрсөн долоо хоногт бид тариаланчидтайгаа зөвлөгөөн хийж, тулгамдаж буй асуудлаа ярилцсан. 

Засгийн газраас энэ жил 150 тэрбум төгрөгийн 3 хувийн хүүтэй зээлийг гаргаж байгаа. 100 тэрбум нь үр тариа эрхлэгчдэд, 50 тэрбумыг хүнсний ногоо тариаланчдад арилжааны банкуудаар дамжуулан олгоно. Хүүгийн зөрүү 10.6 хувийг төсвөөс гаргаж байгаа. 

Үр тариа, ургамлын тосны дэлхийн том нийлүүлэгч болох хоёр улс зэвсэгт мөргөлдөөнтэй байгаа нь биднийг илүү их  үр тариа тариалахыг шаардаж байна. Иймд хүнсний ногоочдод тонн тутамд нь 100 мянган төгрөгийн урамшуулал олгоно гэв. 

---