Эзэмшигч нь тодорхойгүй, тухайн нэг байршилд удаан хугацаагаар орхигдсон автомашины мэдээллийг Тээврийн цагдаагийн албаны ерөнхий эргүүлийн 93020111 утсаар авч эхэллээ.

Өнөө өглөөний байдлаар хаягдсан зургаан машины мэдээллийг иргэд өгсөн байна. ТЦА иргэдээс ирсэн мэдээллийг нягтлан шалгаж улмаар хаягдсан машины мэдээллийн сан үүсгэнэ. Улмаар тухайн байршлын харьяалагдах цагдаагийн байгууллагууд руу мэдээллийг явуулж, АТҮТ-тэй хамтран автомашин эзэмшигчийг олох ажлууд хийгдэх юм байна.

Нийслэлийн хэмжээнд энэ мэтээр эзэнгүй хаягдсан, олон жил татвар төлж, оношилгоонд ороогүй, улсын номер дугаар аваагүй зэрэг зөрчил бүхий автомашин олон байдаг байна.

---