Үнэ тогтворжуулах хөтөлбөрийг Засгийн газраас хэрэгжүүлэх гэж буйтай холбогдуулан УИХ-ын гишүүн Д.Цогтбаатар байр сууриа илэрхийллээ. 

УИХ-ын гишүүн Д.Цогтбаатар:

-Зах зээлийн бус аргаар шударга өрсөлдөөний орчинд ажилддаггүй тогтолцоог дэмжээд яваад байх нь шийдэл биш. Дарга хэлээд үнэ тогтворжино гэж байхгүй. Засгийн газар тодорхой нэрийн бараан дээр тодорхой хугацаатайгаар оролдлогоо хийгээд үзэх хэрэгтэй. Жагсаал болохоос өмнө ч УИХ, Засгийн газрыг ажлаа хий гэж хэлсэн. Гэхдээ энэ бодитой зах зээлийн механизм биш.

Нөхцөл байдал амаргүй үед үнэ тогтворжуулах хөтөлбөрийг Засгийн газраас хэрэгжүүлэхээр итгэлтэй шийдэл гаргаж байна. УИХ-ын зүгээс тэр боломжийн л олголоо. Үр дүн гарах эсэхийг хэрэглэгчид л мэднэ. Мах, гурилын үнэ буулгах хэцүү. Харин шатахуун дээр цөөн тооны нийлүүлэгчид байгаа учир Засгийн газраас ярилцаад үнийг барьж болно гэлээ.

---