Дархан мэхээрээ овоглосон өнөө цагийн цөөн бөхийн нэг, Сэлэнгэ аймгийн Зүүнбүрэн сумын харьяат, Монгол Улсын начин, “дүүгүүр” хэмээх Чүлтэмийн Мөнхтогтох өвчний улмаас таалал төгслөө.

Тэрбээр 1989 онд цэргийн алба хааж байх үедээ дархан мэхээрээ олноо танигдаж цэргийн арслан цол хүртэж, 1999 онд улсын начин болсон.

Амьдралын сүүлийн хугацаагаа төрсөн нутагтаа өнгөрөөсөн бөгөөд түүнийг сүүлчийн замд нь үдэх ёслолын ажиллагаа Сэлэнгэ аймгийн Зүүнбүрэн сумын соёлын төвд болж ах дүү төрөл төрөгсөд, нутгийн ахан дүүс, бөхчүүд ирж хүндэтгэл үзүүллээ.

---