Сэлэнгэ аймагт Идэрчүүдийн улсын аварга шалгаруулах волейболын тэмцээн энэ сарын тавнаас 12-ны өдрүүдэд зохион байгуулагдав

Тэмцээнд 19 аймаг, 3 дүүрэг, 18 клубын эрэгтэй эмэгтэй нийт 64 багийн 1536 тамирчид оролцож хурд хүч авхаалж самбаагаа сорин өрсөлдсөн. 

Охидын ангилалд Уурхайчин-21 баг тэргүүлж, Баянхонгор, Сэлэнгэ аймгийн баг удааллаа.
Хөвгүүдийн ангилалд Сэлэнгэ аймгийн баг тэргүүлж, Залуу Монгол 50, Өмнөговь аймгийн баг удааллаа.

• Эрэгтэй шилдэг холбогчоор “Сэлэнгэ таван хан ноён” багийн Б.Билэгт
• Эмэгтэй шилдэг холбогчоор Уурхайчин-21 клубын Э.Батцэцэг
• Эрэгтэй шилдэг довтлогчоор Өмнөговь аймгийн 7-р сургуулийн Э.Ууган-Эрдэнэ
• Эмэгтэй шилдэг довтлогчоор “Сэлэнгэ таван хан ноён” багийн П.Хатанзаяа
• Эрэгтэй шилдэг хамгаалагчаар Өмнөговь аймгийн 7-р сургуулийн Э.Буянжаргал
• Эмэгтэй шилдэг хамгаалагчаар “Сэлэнгэ таван хан ноён” багийн Б.Мөнхсоёл
• Эрэгтэй шилдэг давуулагчаар Залуу Монгол-50 клубын Э.Гансүх
• Эмэгтэй шилдэг давуулагчаар Баянхонгор аймгийн Н.Эрдэнэбаясгалант
• Эрэгтэй тэгш тоглогчоор “Сэлэнгэ таван хан ноён” багийн М.Уранбаяр
• Эмэгтэй шилдэг тэгш тоглогчоор Баянзүрх дүүргийн Уурхайчин-21 клубын М.Энхжин
• Шилдэг дасгалжуулагчаар “Сэлэнгэ таван хан ноён” багийн дасгалжуулагч Ж.Мөнхбаяр,
• Уурхайчин-21 клубын дасгалжуулагч Г.Баярсайхан нар тодорлоо.

Багийн нийлбэр дүнгээр Сэлэнгэ аймаг тэргүүлжээ

"Идэрчүүдийн улсын аварга-2022"-ийг Монголын волейболын холбоо, Сэлэнгэ аймгийн волейболын холбоо, Сэлэнгэ аймгийн ЗДТГ, тус аймгийн БТСГ, "Ширхэнцэг хараа констракшн" ХХК, "Мандал апартмент" төсөлтэй хамтран зохион байгуулжээ.

Харин тус тэмцээний ивээн тэтгэгчээр УИХ-ын гишүүн, Сэлэнгэ аймгийн волейболын холбооны тэргүүн Ж.Эрдэнэбат, Сэлэнгэ аймгийн Засаг дарга Н.Лхагвадорж, МБХ-ны удирдах зөвлөлийн гишүүн Т.Сайнжаргал нар ажилласан аж. 

---