Говь-Алтай аймгийн Чандмань сумын нутагт 4.5 магнитудын хүчтэй газар хөдлөлт болжээ.

Тодруулбал, тус сумын Эрдэнэ-Уул багийн “Нарийний-Аараг” гэдэг газар дөрөвдүгээр сарын 12-ны өдрийн 00:34 цагт 4.5 магнитудын хүчтэй газар хөдлөлт болсон тухай мэдээллийг Шинжлэх ухааны академийн Одон орон, геофизикийн хүрээлэнгээс 00:44 цагт цахим шуудангаар Онцгой байдлын газарт ирүүлжээ. 

Тус аймгийн Онцгой байдлын газар сумынхаа ИТХ-ын дарга болон малчдаас тодруулахад чичирхийлэл мэдрэгдээгүй, учирсан хохиролгүй хэмээн мэдээлжээ. 

---