Улсын хэмжээнд өнгөрсөн хоногт хийсэн шинжилгээгээр коронавируст халдварын 15 тохиолдол батлагджээ. ЭМЯ-ны мэдээлснээр, Улаанбаатар хотод 8, орон нутагт 7 тохиолдол бүртгэгдсэн байна.

Орон нутгаас Өмнөговь аймагт 7 тохиолдол бүртгэгджээ. Харин 20 аймагт шинээр халдвар бүртгэгдээгүй байна. Коронавируст халдвартай 180 иргэн эмнэлэгт хэвтэн эмчлүүлж байгаагаас нэн хүнд 16 , хөнгөн 45, хүндэвтэр 81, хүнд оноштой 38 хүн байгаа аж.

Түүнчлэн гэрийн хяналтад 615 хүн байна. Харин өчигдөр уг халдвараас шалтгаалсан нас баралт бүртгэгдээгүй байна.

---