Монголын үндэсний бөхийн холбооны ээлжит есдүгээр "Их Эе" хурал өнгөрөгч амралтын өдрүүдэд /2022.04.10/ болж тэргүүн, тэргүүлэгчдээ сонгов. 

Хуралд 218 төлөөлөгч оролцсон бөгөөд дархан аварга Г.Өсөхбаяр, даян аварга Н.Батсуурь,улсын аварга Ч.Санжаадамба, О.Балжинням, С.Мөнхбат, улсын арслан Д.Ганхуяг, Б.Ганбат тэргүүтэй өндөр цолтой бөхчүүд оролцжээ.

Дүрмээ шинэчлэн баталж, ирэх жилүүдэд тус холбоог удирдах тэргүүнээр улсын заан Ц.Магалжав /улиран/ сонгогдож "Хяналтын зөвлөл"-ийн бүрэлдэхүүнийг шинэчлэн сонгов

Шинэчлэгдсэн дүрмээр "Цэцдийн зөвлөл" татан буулгдаж, "Бөхийн барилдааны зөвлөл", "Ёс зүй, сахилга хариуцлагын зөвлөл"-ийг шинээр байгуулжээ.

-"Ёс зүй, сахилга хариуцлагын зөвлөл" есөн гишүүнтэй ажиллах бөгөөд зургаан гишүүн нь олон нийтийн төлөөллөөс, гурван гишүүн бөхийн төлөөллөөс орно. Тэдний гаргасан саналыг МҮБХ-ны тэргүүн шийдвэрлэх өөрчлөлт хийв.

-"Хяналтын зөвлөл"-ийн даргаар Бизкон Аудит ХХК-ийн захирал Л.Отгонбаяр сонгогдож, гишүүдээр аймгийн арслан Б.Баттөр, улсын начин Х.Түвшинсанаа, Р.Цоггэрэл, аймгийн заан Л.Нанзадсүрэн ажиллана.

Тэргүүлэгчдээр 21 аймгийн төлөөллийг сонгосон аж. Үүнд: 

Архангай: Улсын харцага Г.Батбаяр

Баян-Өлгий: Аймгийн арслан Х.Асен

Баянхонгор: Улсын харцага Д.Батболд

Булган: Улсын заан Д.Баасандорж

Говь-Алтай: Улсын заан Б.Соронзонболд

Дорноговь: Улсын начин А.Хатансайхан

Дорнод: Улсын начин Д.Цогзолдорж

Дундговь: Улсын начин А.Алтанхуяг

Завхан: Улсын гарди М.Баяржавхлан

Өвөрхангай: Аймгийн арслан Ц.Жамсран

Өмнөговь: Улсын начин Б.Сумьяа

Сүхбаатар: Улсын начин Бо.Батжаргал

Сэлэнгэ: Аймгийн начин: О.Болд-Эрдэнэ

Төв: Улсын харцага Л.Бадарч

Увс: Улсын гарьд Б.Гантогтох

Ховд: Улсын заан Ц.Мягмарсүрэн

Хөвсгөл: Улсын начин А.Давааням

Хэнтий: Улсын начин Б.Одхүү

Багануур: Ж.Мөнгөнбаяр

Налайх: Аймгийн начин З.Төртогтох

Жаяг дэг: Улсын ахлах тайлбарлагч С.Гантөр

---