"Эх орондоо сайхан амьдарья" уриатай залуусын жагсаал төв талбайд үргэлжилсээр байна. 

12:00 цагийн орчимд жагсагчидтай Ерөнхий сайд Л.Оюун-Эрдэнэ уулзаж иргэдийн тавьсан шаардлагуудыг хүлээн авч яаралтай шийдвэрлэхээ илэрхийлсэн.

Жагсаалд оролцсон иргэдийн төлөөлөл бараа бүтээгдэхүүний үнийг тогтворжуулах, татварын хэмжээг бууруулах, цэцэрлэгийн хүртээмжийг нэмэгдүүлэх, ханшийн алдагдлыг барих, УИХ, Засгийн газрын гишүүд хэмнэлтээ өөрсдөөсөө эхлэх гэх мэт 15 шаардлагыг тавиад буй. 

Тэгвэл иргэдийн тавьсан шаардлагуудыг хэлэлцэхээр засгийн газар ээлжит бусаар хуралдахаар болжээ. Мэдээллийг эргэн мэдээлэх болно. 

---