Төв талбайд болж буй үнийн өсөлт, нийгмийн асуудлыг эсэргүүцсэн "Монголдоо сайхан амьдаръя" уриатай жагсаалд оролцож байгаа иргэдтэй Ерөнхий сайд Л.Оюун-Эрдэнэ Төрийн ордны урд уулзалт хийж байна.

Тус уулзалтыг хэвлэл мэдээллийн байгууллагууд орон даяар шууд дамжуулалтаар үзүүлж байгаа юм. Гэтэл Ерөнхий сайдын иргэдтэй хийж буй уулзалтын шууд дамжуулалтыг гацааж, таслахаар сүлжээ унагагч байршуулжээ.

Тэгвэл уг мэдээлэлтэй холбогдуулан цагдаагийн байгууллагаас "Цахим орчинд нийтлэгдсэн "Сүлжээ унагагч байршуулж байна" гэх мэдээлэл худал бөгөөд цагдаагийн байгууллагаас Соёлын төв өргөөний дээвэр дээр байрлуулсан хяналтын камерт засвар, тохиргоог хийсэн болно" гэх мэдэгдэл хийжээ.

---