Япон Улс, Монгол Улсын хооронд дипломат харилцаа тогтоосны 50 жилийн ойн хүрээнд соёлын арга хэмжээнүүд явагдаж байгаа билээ. Үүний нэг нь дөрөвдүгээр сарын 8-аас тавдугаар сарын 8-ны хооронд дэлгэгдэх “МАНГА-ХОКҮСАЙ-МАНГА” үзэсгэлэн юм.

“Япон Сан”-гаас зохион байгуулж буй уг үзэсгэлэн дэлхийг тойрон аялж байгаа бөгөөд Монголд ийнхүү нэг сарын турш Монгол Арт Галерейн 3 давхарын үзэсгэлэнгийн танхимд олон нийтэд толилуулахаар боллоо. 

“Хокүсай манга”-г орчин үеийн комиксийн өнцгөөс харж, дэлхийд алдартай орчин үеийн Японы манга болон Хокүсай манганы ижил төстэй болон ялгаатай талуудыг уг үзэсгэлэнгээс мэдрэх боломжийг олгох юм.   

---