Их Британид Колумби улсаас оруулж ирсэн гадил жимсний ачаанаас 3.7 тонн кокайныг илрүүлж, хурааж авсан талаар орон нутгийн албаныхан мэдээлжээ.

Тодруулбал, тус улсын Хилийн цэрэг болон Үндэсний гэмт хэрэгтэй тэмцэх газрын ажилтнуудад Саутхэмптон усан боомтод өнгөрөгч 3 дугаар сарын 17-нд шалгалт хийх үеэрээ гадилын таваг багц ачаанаас 302 сая фунт стерлингээр үнэлэгдэх хар тамхийг олсон байна.

Дотоод хэргийн сайд Прити Пател энэхүү явдлыг "Их Британид 2015 оноос хойш хурааж авсан хамгийн их хэмжээний кокайн юм" хэмээн тодорхойлжээ.

Тэрээр мөн "Энэ нь хууль бус мансууруулах бодисыг манай улсын хилээр хууль бусаар нэвтрүүлэхийг оролдож буй хэн бүхэнд анхааруулга болох ёстой. Бид тэднийг барих л болно" хэмээн мэдэгдсэн байна.

Эх сурвалж: BBC

---