МУГЖ, дуучин Т.Ариунаа сүүлийн хоёр жил өөрийн гэр бүлийн хүн болох “Ноёд” группийн ерөнхий захирал Г.Буяндоржийгоо дэмжин шүүх прокурорт шаардлага тавих, суулт хийх зэргээр хэвлэл мэдээллийн хэрэгслээр гарсан нь цөөнгүй.

Түүнээс хойш нэг хэсэгтээ чимээ аниргүй байсан дуучин бүсгүй маань сарын өмнөөс цоо шинэ өнгө төрх, имижтэйгээр дэлгэцнээ дахин гарч ирлээ. Тэрбээр, UBS TV-ийн уран бүтээл "Нарны садан" УСК-ны клипэнд тоглож, алдарт дуучин Beyonce-той төрхтэй хувьслыг хийж чадсан хэмээн үзэгчид магтаж байна. Энэхүү клипийг UB PIctures-ийн залуус бүтээжээ.

Уулын таг, усны тунгалгийг даган хэдэн мянганы тэртээгээс идээшин бэлчээрлэж ирсэн Монгол орны унаган мал болох сарлагийг адгуулан маллаж, ашиг шимийг нь хүртэн амьдардаг зон олны тухай “НАРНЫ САДАН” туульсын уран сайхны киног UBS TV-ийн уран бүтээлчид бүтээсэн. Уг киноны дууны уран бүтээлийг Монгол Улсын Урлагийн гавьяат зүтгэлтэн хөгжмийн зохиолч Л.Балхжав, яруу найрагч Ж.Мөнхбат нар хамтран бүтээсэн бөгөөд Монгол Улсын Гавьяат жүжигчин Т.Ариунаа дуулснаар ийнхүү уран бүтээлийн тавцандаа эргэн ирлээ. 

---