™ watch
™ watch
Унгарын авторитар удирдагч, Оросын холбоотон Виктор Орбан тус улсын Парламентын сонгуульд ялалт байгуулж, дөрөв дэх удаагаа дараалан Засгийн эрхэнд гарчээ.
2010 оноос хойш тасралтгүй Ерөнхий сайдын албан тушаалыг хашиж буй Орбаны Фидес нам их хэмжээний саналын зөрүүгээр тэргүүлснээр түүний ялалт тодорхой болсон юм. Тодруулбал, нийт саналын 94 хувийг тоолоод байх үед Фидес нам 53 хувиар тэргүүлж байсан бол Питер Марки-Зэй тэргүүтэй сөрөг хүчний эвсэл 35 хувийн саналтайгаар ард нь хоцорсон байна.
Ингээд Орбан нийслэл Будапештад цугларсан дэмжигчдийнхээ өмнө ялалтаа зарлах үеэрээ Украины Ерөнхийлөгч Владимир Зеленскийг өөрийн "өрсөлдөгч" гэж нэрлэжээ. Тэрээр ард түмэндээ хандан "Энэ бол маш том ялалт байлаа. Үүнийг Сарнаас ч харж болно, тэгэхээр Брюсселиэс ч мөн харж байгаа нь тодорхой. Бидэнд өмнө нь хэзээ ч ийм олон өрсөлдөгч байгаагүй. Брюсселийн хүнд сурталтнууд... олон улсын хэвлэл мэдээллийн хэрэгсэл, эцэст нь Украины Ерөнхийлөгч" хэмээсэн юм.
Унгар улс нь Украинтай хиллэдэг бөгөөд одоогоор хагас сая гаруй дүрвэгчийг хүлээж аваад байгаа билээ. Ерөнхий сайд Орбан эдгээр иргэнд тусалсан ч Украинд зэвсэг нийлүүлэхээс татгалзсанаараа улсаа дайнаас хол байлгана гэж мэдэгдсэн.
58 настай Орбан Европын Холбоотой хурцадмал харилцаатай байдаг бөгөөд түүний Фидес нам Унгарын ардчиллыг сүйрүүлсэн гэж тус холбооны зүгээс үздэг юм. Ноён Орбан 12 жилийн турш Засгийн эрхэнд байх хугацаандаа Үндсэн хуулийг шинэчлэн найруулж, дээд шатны шүүхүүдийг өөрийн хүмүүсээр дүүргэн, сонгуулийн тогтолцоог өөрт ашигтайгаар өөрчилсөн байна.
Үүний улмаас энэ удаагийн сонгуулийн үеэр сөрөг хүчнийхний уриа нь "Орбан эсвэл Европ" байжээ. Гол нэр дэвшигч Питер Марки-Зэй нь Унгарыг Польш, Их Британи болон бусад оронтой нэгдэж, Украинд зэвсэг нийлүүлэх ёстой гэж үзэж байсан аж. Түүнчлэн Фидес нам Унгарыг Европоос тусгаарлан, ардчилал, шударга ёс, ёс журамтай байдлыг үгүй хийсэн гэж буруушаасан юм.
Эх сурвалж: BBC
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.
Орбанд баяр хүргэе.
Унгар удахгүй гуйогачин болноАрд түмэн нь босно Орбан тэднийгээ буудна
Укрианы жүжигчин шиг юү гэж улс орон ард түмнээ золиослож байлдахуудаа одоо ард түмнээрээ амьд бамбай хийж бна бол эмэгнэл
Хэн нэгнийг дагаж далдаганалгүй эх орон ард түмнийхээ төлөө удирдагчийг гадныхан хичнээн шүүмжилсэн ч ард иргэд нь сонгодог л байхгүй юу ...
Маанагаа оросыг дагаж далдаганаад бншдээ ахаха усан тархит
Орбан бол ард түмнээ боддог өөрийн гэсэн бодолтой хүн дагаж намирдаггүй мундаг ерөнхийлөгч тийм ч учраас 4 дэх удаагаа сонгогдож байхгүй юу манайхан өөрсдөө санадаггүй бол энэ мэт хүмүүсийн үйлдлийг дууриах хэрэнтэй
Унгарын ухаалаг ард түмэнд баяр хүргэе .Зөв шудрага хүнийг сонгосон байна .Цаашид ЕХ-ы Улсуудын далбаан дор аялдан дагалдах биш тусгаар улсынхаа эрхийг эдэлж Улс орныхоо асуудлыг төр засаг бие дааж шийдвэрэлдэг болохыг ерөөж амжилт хүсье . тусгаар улс байх нь зүйтэй
Европын Холбооны ганц зөрүүд ерөнхий сайд. Унгарт нөхцөл байдал ямаршуухан байгааг тэнд ажиилаж амьдарч байгаа Монголчууд мэдэх байх даа.
иш чааваас бас нэг Путин! Энэ улс ч хөгжихгүй замруугаа орлоо л доо
иш чааваас бас нэг Путин! Энэ улс ч хөгжихгүй араандаа орлоо л доо