Төрийн албаны ерөнхий шалгалт дөрөвдүгээр сарын 1, 2-ны өдрүүдэд улс орон даяар явагдсан. 

Сэлэнгэ аймагт шалгалт өгөхөөр бүртгүүлсэн 221 иргэнээс 201 нь ирж, 90,9 хувийн ирцтэйгээр шалгалтын үйл ажиллагаа явагдлаа. Үүнээс 64 иргэн буюу 31,8 хувь нь тэнцэж төрийн албаны нөөцөд бүртгэгдэхээр боллоо.

Шалгалтын өдрүүдэд Төрийн албаны зөвлөлийн дарга А.Баатарзориг тэргүүтэй ТАЗ-ийн ажлын хэсэг Сэлэнгэ аймагт ажиллаж Төрийн албаны салбар зөвлөлийн үйл ажиллагаа, төрийн албаны ерөнхий шалгалтын зохион байгуулалттай танилцлаа.

---