"Монцемент" ХХК-ийн Үйл ажиллагаа эрхэлсэн захирал Ц.Хулан Хөгжлийн банкнаас авсан зээлийн талаар тайлбар өглөө. "Монцемент" ХХК нь 2015 оноос эхлэн нийтдээ 24 удаагийн эргэн төлөлтөөр 143.1 тэрбум төгрөг төлжээ. Тус компаний зүгээс Төв банк үйлдвэрлэгчдээс болж үүсээгүй ханшийг зөрүүг шийдэх гаргалгааг гаргаж хамтраад ажиллахад бэлэн байгаа гэдгээ илэрхийлж байсан юм.

"Монцемент" ХХК-ийн Үйл ажиллагаа эрхэлсэн захирал Ц.Хулан:

-Хөгжлийн банкнаас зээл авсны дараа ам.долларын ханш огцом өссөн. 1850 төгрөгөөс 2400 төгрөг болтлоо өссөн. Төв банк төгрөгийг ханшийг тогтвортой байлгах үүрэг хуулиар хүлээсэн байдаг.

Үйлдвэрлэгчдээс болж үүсээгүй ханшийг зөрүүг хэрхэн ээлтэй байдлаар шийдэх гаргалгаа гаргаад хамтраад ажиллахад бэлэн байгаа гэдгээ бид 20 гаруй удаагийн хүсэлт илгээсээр ирсэн ч өнөөдрийг хүртэл бидэнд хариу ирүүлээгүй байна.

Барилгын материалын тусгай зөвшөөрөлтэй үйл ажиллагаа явуулаад тав дахь жилийн нүүрийг үзэж байна. 2020, 2021 онд бүх төрлийн барилгын материалын үнэ зарим түүхий эд 200 хувиар өссөн. Энэ үед цементийн үйлдвэрүүд үнэ тогтворжуулах хөтөлбөрийг өөрсдийг санаачилгаар авч хэрэгжүүлсэн.

Цементийн хамгийн гол түүхий эд болох нүүрсний үнэ 130 хувь болтлоо өссөн. Хамгийн ихдээ 63 хувийн өсөлтийг үзүүлж байна. Хил гаалийн гацаа нөлөөлж байна, сугалаагаар үйл ажиллагаа нь явагдаж байна.

Бид өмнө нь Замын-Үүд сумаас Өргөн сум хүртэл 300 мянган төгрөгөөр тээвэр хийдэг байсан бол өнөөдөр 35 сая төгрөгөөр нэг галт тэрэг ачааг тээвэрлэж байгаа нь 30-40 хувиар нэмэгдсэн гэсэн үг. 

Дээрээс нь ажиллах хүчний цалин хөлс 30-40 хувиар нэмэгдсэн нь цементний үнийн өсөлтөд нөлөөлсөн. Түүхий эд, түлшний өсөлтийн талаар сүүлийн гурван жилийн хугацаанд ЗТХЯ-нд үргэлж мэдэгдэж санал хүргүүлсээр ирсэн. Төрийн оролцоотой эрчим хүчний тариф дээр анхаарах шаардлагатай гэж үзэж байна. Цаашдаа ч эрчим хүчний төлбөр нэмэгдэх мэдээлэл байна. Манай компани 2015 оноос эхлэн нийтдээ 24 удаагийн эргэн төлөлтөөр 143.1 тэрбум төгрөгийн өнөөдрийн байдлаар төлсөн. Хөгжлийн банкны удирдлагууд нийтдээ таван удаа солигдсон. Манайд жил бүр төлөвлөгөөт шалгалтыг хийж байсан. Ханшийн эрсдэлээс хамгаалах байр суурь гаргах ёстой гэж холбогдох хүмүүс нь сая бас хэлж байна. Төв банкны зүгээс хуулиараа энэ үүргийг хүлээх ёстой. Үйлдвэрлэгчдээс болж үүсээгүй ханшийг зөрүүг хэрхэн ээлтэй байдлаар шийдэх гаргалгаа гаргаад хамтраад ажиллахад бэлэн байгаа гэлээ.

---