Монгол Улсын гавьяат дасгалжуулагч, ХХ зууны манлай дасгалжуулагч В.Батбаярын нэрэмжит Боксын насанд хүрэгчдийн улсын аварга шалгаруулах тэмцээн гуравдугаар сарын 21-27-нд Монгол бөхийн өргөөнд зохион байгуулагдаж байна.

Уг тэмцээнийг Livetv.mn сайт болон Livetv HD телевиз онцгой эрхтэйгээр энэ сарын 21-27-ны өдрүүдэд өдөр бүрийн 12-18 цагийн хооронд шууд дамжуулан үзүүлж байгаа билээ. Монгол бөхийн өргөөнд зохион байгуулагдаж буй уг тэмцээн өдөр бүр үзэгчдийн дундаас азтан шалгаруулж байгаа. Өнөөдрийн тэмцээний азтангууд тодорсон бөгөөд тэдний нэг нь дасгалжуулагч Б.Түвшинбат. 

Тэрбээр, "Намайг Бямбын Түвшинбат гэдэг. Би Хүч спорт хорооны дасгалжуулагч. Энд багаараа оролцоод явж байна. Өнөөдөр азтан болно гэж бодоогүй. Өөртөө итгэлгүй байсан. Хажуу талын зоогийн газар хоол идээд LIVETV-ийг үзээд сууж байсан. “За бараг хожихгүй байх даа” гэж бодож байтал яг миний билетийн дугаарыг дуудсан. Хоол, бүх юмаа хаяад, пудволкатайгаа гараад гүйгээд наашаа орж ирсэн чинь сүүлийн 10 секунд болсон. Тэгээд яг амжиж ирсэн. хэрэв LIVETV-ийн шууд дамжуулалт байхгүй байсан харамсах байлаа. 1152 дугаараар гар утас хожсон. Энэ тэмцээн маань бүтэн сайн өдрийг хүртэл үргэлжилнэ. Та бүхэн хүрч ирж тэмцээнээ үзээд азтан болоорой. Өдөр болгон азтан шалгаруулж байгаа шүү" гэлээ.

---