Цар тахлын улмаас тасалдаад байсан ХХ зууны манлай дасгалжуулагч Б.Батбаяр багшийн нэрэмжит насанд хүрэгчдийн боксын тэмцээн энэ сарын 27-ныг дуустал Монгол бөхийн өргөөнд үргэлжилнэ.

Энэ жилийн Боксын УАШТ-нд эхнэр нөхөр, ах дүү гурав оролцож буйгаараа онцлог байна. Ингээд та бүхэнд тэдний яриаг хүргэе. 

"Алдар" спорт хорооны тамирчин ОУХМ, Дэслэгч Х.Энх-Амар: Гэр бүлээ нэг тэмцээнд оролцох нь гоё ш дээ. Өөрөө тоглож байгаа мэдрэмжээ дүү нараасаа авдаг. 

“Алдар” спорт хорооны тамирчин, ОУХМ Т.Болортуул: Намайг ОУ-ын хэмжээний мастер Төмөрхуягийн Болортуул гэдэг. “Алдар” спорт хороонд хичээллэдэг. Би нөхөртэйгөө шигшээ баг дээр танилцаж байсан. Спортын төв ордон дээр манай хүн шигшээ багт дуудагдаж ирээд төд удалгүй танилцаж, гэр бүл болсон доо. Би 57 кг-ын жинд тулалддаг. 2016 оноос хойш 57 кг-ын жинд тулалдаж байна. Өмнө нь 48 кг-ын жинд тулалддаг байсан. Одоо 57 кг-ын жиндээ тулалдаж байгаа даа. Манай хүний гурван дүү нь боксоор хичээллэдэг. 51 кг-ын жинд тулалдаж байгаа Х.Энхмандах дүүтэйгээ байнга улсын аваргаар бид гурав, гурвуулаа байнга аварга болчихсон зогсож байдаг. Энэ жилээс Х.Билгүүнсайхан гээд дүү нь орж ирж байгаа. Өнөөдөр медалийн болзол хангаад зогсож байгаад маш их баяртай байна.

“Алдар” спорт хорооны тамирчин, ОУХМ Ахлагч Х.Энхмандах: Намайг Хархүүгийн Энхмандах гэдэг. Би 51 кг-ын жинд тоглож байгаа олон улсын хэмжээний мастер. Энэ жилээс манай дүү насанд хүрэгчид руу орж ирээд 4 лээ болж байна. Ямар ч гэсэн 4 лээ алтан медаль авна, түрүүлнэ. Тэгээд ямар ч гэсэн эхний ээлжид дүү минь медаль авсанд баяртай байна. Олон улсын тэмцээнүүдэд алт, мөнгө, хүрэл медаль авч байсан. Цэргийн их наадмаас хүрэл медаль хүртсэн. Сая хамгийн сүүлд ах, аниа бид гурав Цэргийн дэлхийн аваргад яваад гурвуулаа медаль хүртсэн байгаа. Манай аниа, агаа хоёр мөнгөн медаль хүртээд би хүрэл медаль авсан байгаа. Олон улсын тэмцээнд байнга хамт оролцдог. Олон улсын тэмцээнээс хамт зөндөө олон медаль авч үзсэн.

“Алдар” спорт хорооны тамирчин Х.Билгүүнсайхан: Намайг Хархүүгийн Билгүүнсайхан гэдэг. “Алдар” спорт хороонд харьяалагдаж явдаг. 2019 оноос хойш боксын спортоор тууштай хичээллэж байна. Би 54 кг-ын жинд өрсөлдөөд хоёр тоглоод хүрэл медалийн болзол хангасан байгаа. Анхны тэмцээн болохоор маш их догдлол ихтэй байсан болохоор их л гоё байна. Гэр бүлтэйгээ оролцож байгаа болохоор аймар гоё байна.

-Гэр бүлтэйгээ хамт оролцоход сэтгэл зүйн хувьд хүчтэй байдаг байх тээ?

Тийм. Байнга тусалж дэмждэг болохоор араас минь унахад түрч өгдөг учраас маш гоё санагддаг. Сэтгэлийн хүч сайн авдаг даа. Хэцүү зүйл байнга гардаг. Хоёр ах эгчтэйгээ болохоор хэцүү зүйл байсан ч туулаад гарна, даваад гарна гэсэн зорилготой. Монгол Улсын гавьяат дасгалжуулагч А.Гантулга багшдаа маш их баярлалаа. Ж.Отгонбаяр багшдаа баярлалаа. Тусалж дэмждэг компанидаа маш их баярлалаа.

---