СХД-ийн 21-р хорооны нутаг дэвсгэр Ар гүнтийн зусланд айлын байшин шатаж буй бичлэгийг нэгэн иргэн цахим хуудастаа оруулж, бусад байшингийн эздэд сэрэмжлүүлэг хүргэсэн.

Тухайн иргэний өгсөн дуудлагын дагуу яг одоо Гал унтраах 74-р ангийн албан хаагчид газар дээр нь ажиллаж байна. Хэдийгээр хажуу байшин руу гал ороогүй ч түгжээтэй хашаа хайс ажилд нь төвөг учруулж байгааг тухайн иргэн сэрэмжлүүлжээ. 

Уг галд иргэн Х-гийн 8×10 метрийн хэмжээтэй байшин, 5×8 метр хэмжээтэй гарааш шатаж, мөн иргэн Г-гийн 5×8 метрийн хэмжээтэй гарааш галын дөлд хайрагдан шатаж байсныг, хүч нэмэгдүүлэн Сүхбаатар дүүргийн Онцгой байдлын хэлтсийн Гал түймэр унтраах, аврах 34 дүгээр ангийн алба хаагчид 50 минутад тус тус ажиллаж унтраасан.

---