Орос, Украйны асуудал хурцадсаар талууд дайны байдалд орж эхэлсэн. Украйны Ерөнхийлөгч Петр Порошенко Владимир Путиныг улс орныг бүхэлд нь булаан авахыг санаархаж байна хэмээн буруутгаад байгаа юм. Харин Москвагаас Киевийг хууль зөрчсөн гэж үзэж харилцан гал нээж, Украйны далбаатай гурван хөлөг онгоцыг барьж саатуулсан.

Өнөөдөр Аргентины нийслэл Буэнос Айрес хотод Бүлэг 20 орны дээд хэмжээний уулзалт эхэлж байна. Дээд хэмжээний уулзалтын үеэр АНУ-ын төрийн тэргүүн Дональд Трамп Оросын Ерөнхийлөгч Владимир Путинтай уулзах ёстой байсан. Гэсэн ч Трамп төлөвлөсөн уулзалтаа хийхээс татгалзсан гэдгээ албан ёсоор мэдэгджээ.

Трамп албан ёсны Твиттер хуудсандаа “Путинтай хийх байсан уулзалтаа цуцалсан нь аль аль талдаа хамгийн зөв сонголт болж байна. Тун удахгүй маргаантай нөхцөл байдал шийдэгдэх байх” хэмээн жиргэжээ.

Орос, Украйны 2014 онд Крымээр эхэлсэн зөрчилд өрнөдийн орнууд Путиныг буруутгасаар ирсэн. Энэ удаад ч мөн Трамп, Меркел зэрэг өрнөдийн нөлөө бүхий удирдагчид Москваг буруутгаж шүүмжилсэн байр сууриа илэрхийллээ. Украйны төрийн тэргүүн Порошенко НАТО-д хандан зөрчил маргаан үүссэн нутаг дэвсгэрт усан онгоцуудаа илгээхийг хүсчээ. Мөн Украйнд амьдарч байгаа Оросын иргэдэд банк санхүүгийн үйл ажиллагаа үзүүлэхгүй, хил даван гарахыг зөвшөөрөхгүй гэжээ.

 

 

Эх сурвалж: www.bbc.com

---