Монгол Улсад Таеквондогийн спорт үүсч хөгжсөний 30 жил, Орчин цагийн Зэвсэгт хүчин үүсэн байгуулагдсаны 101 жилийн ойг угтан Монголын таеквондочдыг Монгол Улсын Ерөнхийлөгчийн зарлигаар төрийн одон, медалиар шагнасан байна.
-Хөдөлмөрийн гавъяаны улаан тугийн одонгоор Паратаеквондогийн ДАШТ-ий гурван мөнгө, хошой хүрэл медальт, Азийн тивийн аваргын алт, мөнгө, хошой хүрэл медальт, Паратаеквондогийн үндэсний шигшээ багийн тамирчин Б.Шинэбаяр
-Алтан гадас одонгоор Монголын таеквондогийн анхдагчдын нэг, 1992 онд байгуулагдсан "Аянга" таеквондо клубын дасгалжуулагч, багш Б.Билэгсайхан
-Алтан гадас одонгоор Монголын Таеквондогийн үндэсний шигшээ багийн дасгалжуулагч, Олон улсын шүүгч, ОУХМ Д.Лхагвадорж
-Хөдөлмөрийн хүндэт медалиар "Инчеон-2014" Азийн наадмын хүрэл, "Наполи-2019" Оюутны Юниверсиад наадмын мөнгө, Монгол улсын 10 удаагийн аварга, ОУХМ М.Түмэнбаяр
-Хөдөлмөрийн хүндэт медалиар "Рио-2016" олимпын наадмын шагналт байр, Монгол улсын 9 удаагийн аварга ОУХМ П.Тэмүүжин
-Хөдөлмөрийн хүндэт медалиар Өсвөрийн ДАШТ-ий хүрэл, Ази тивийн аваргын хүрэл, Монгол улсын 9 удаагийн аварга, ОУХМ Б.Намуун
-Хөдөлмөрийн хүндэт медалиар "Пусан-1997" зүүн азийн наадмын хүрэл медальт, Олон улсын шүүгч, ОУХМ Т.Уянга нарыг тус тусыг шагнажээ.

---