Хан-Уул дүүргийн удирдах ажилтны ээлжит шуурхай зөвлөгөөн болж Цагдаагийн газар, Эрүүл мэндийн төв, Хан-Уул дүүргийн Нэгдсэн эмнэлэг, Онцгой байдлын хэлтэс цаг үеийн нөхцөл байдлын талаарх мэдээллийг сонслоо. 

Дүүргийн Засаг дарга дараах чиглэл өгөв.

-2022 оны хөрөнгө оруулалтын ажлыг эрчимжүүлж, захирамжийн хэрэгжилтийг хангаж ажиллах

-Ерөнхий боловсролын сургууль, цэцэрлэгийн орчинд “Covid-19” халдвараас сэргийлж, халдвар хамгааллын дэглэмийг чанд мөрдүүлж, хяналт тавьж ажиллах.

-Сургууль, цэцэрлэгийн хүүхдүүдийн дунд томуу, томуу төст өвчний дэгдэлт их байгаа тул өвчлөлийг бууруулах, урьдчилан сэргийлэх зохион байгуулалтын арга хэмжээг авч, эцэг эхчүүдийг зөвлөгөө, мэдээллээр хангах.

-Мэргэжлийн чиг үүргийн байгууллагууд гал, үер усны аюултай бүс, голын ай сав, үерийн байгууламж орчмын хяналтаа сайжруулж, иргэдэд урьдчилсан сэргийлэх заавар, зөвлөмжийг өгөх.

-Дүүргийн нутаг дэвсгэр дэх зөвшөөрөлгүй гарааш, хашаа, хайснаас чөлөөлөх ажлыг зохион байгуулах.

-Карьерийн үйл ажиллагаанд хариуцсан чиг үүргийн байгууллагууд хяналт тавьж, иргэдэд ээлтэй орчин нөхцлөөр хангах ажлыг эрчимжүүлэх зэрэг үүрэг, даалгаврыг тус тус өглөө.

---