Украин дахь нөхцөл байдлыг сурвалжилж байсан АНУ-ын сэтгүүлч, кино найруулагч Брент Рено Оросын цэргүүдэд буудуулж, амиа алдсан тухай орон нутгийн цагдаа нар мэдээлжээ.

Киевийн Цагдаагийн дарга Андрей Небытовын хэлснээр, Рено Ирпин хотод байхдаа буудуулж, амь үрэгдсэн бөгөөд түүнтэй хамт байсан өөр хоёр сэтгүүлч бэртэж, эмнэлэгт хүргэгдсэн байна. Энэ нь Украин дахь түрэмгийллийг сурвалжилж байсан гадаадын сэтгүүлч амиа алдсан анхны тохиолдол юм.

Шархадсан сэтгүүлчдийн нэг Хуан Арредондо болсон явдлын талаар "Бид Ирпин дэх дүрвэгсдийн дүрсийг бичихээр зэхэж байсан бөгөөд нэг хүн биднийг гүүрээр гаргаж өгөхийг санал болгосон. Гэвч бид шалган нэвтрүүлэх цэгийг давсны дараа тэд бидэн рүү буудаж эхэлсэн. Миний найз Брент Рено хүзүүндээ буудуулсан... Тэр ард хоцорсон" хэмээн ярьсжээ.

50 настай Брент Рено өмнө нь Афганистан, Ирак, Гаити зэрэг оронд ажиллаж байжээ. Түүний хэвлэлийн үнэмлэх цахим орчинд тархаад байгаа бөгөөд тус үнэмлэх нь "The New York Times" сониных хэдий ч тэрээр "Time" сэтгүүлд сурвалжилга хийж байсныг хоёр агентлагийн зүгээс тэмдэглэжээ.

Эх сурвалж: BBC

---