Австри улсын 18-аас дээш насны иргэдийг коронавирусийн эсрэг вакцинжуулалтад зайлшгүй хамруулах журам хэрэгжиж эхлэхээс хэдхэн хоногийн өмнө тус улсын эрх баригчид энэхүү шаардлагыг түдгэлзүүлэхээр шийдвэрлэжээ.

Тус улс нь вакцины шаардлага тогтоож, торгууль ногдуулахыг баталсан Европын Холбооны анхны орон болоод байсан ч уг арга хэмжээ нь цар тахлын одоогийн нөхцөл байдалтай тохирохгүй гэж Засгийн газраас нь үзсэн байна. Бүс нутгийн албаныхан тус хуулийг өнгөрөгч 2 дугаар сарын 16-нд танилцуулсан ч нэг сарын дараа хэрэгжүүлэхээр төлөвлөж байсан билээ.

Гэхдээ энэ шийдвэрийг гурван сарын дараа дахин хянах бөгөөд коронавирусийн шинэ хувилбар дэгдсэн тохиолдолд дахин нэвтрүүлэх боломжтойг Эрүүл мэндийн сайд Иоханнес Рауч хэлсэн байна.

Австрид өнгөрсөн 24 цагийн дотор халдварын 48 мянга орчим шинэ тохиолдол бүртгэгдсэн нь цар тахал эхэлснээс хойших хамгийн өндөр үзүүлэлт боловч "Омикрон"-ы өвчлөл мэргэжилтнүүдийн тооцоолж байснаас хөнгөн байгаа юм. Мөн тус улс нь Европын бусад орны адил коронавирусийн ихэнх хязгаарлалтаа цуцлахаар төлөвлөж байгаа аж.

Эх сурвалж: BBC

---