Дуучин Т.Дэлгэрмөрөнгийн "Хайртай шүү ээжээ" тоглолт өнөөдөр 15.00, 19.00 цагт УБ паласт тоглогдох гэж байна. Гурван жилийн дараа бие даасан тоглолтоо хийж байгаа түүнтэй ярилцлаа. 

Дуучин Т.Дэлгэрмөрөн: 

-Мартын-8 дөхөж байгаа болохоор Дэлгэрмөрөн дан ээжийн тухай дуулах нь гэж бодож болохгүй. "Монголын шоу концертын групп"-тэй гэрээ хийхдээ, ээжийн тухай уран бүтээлээс гадна, 25 жилийн уран бүтээлийн охь болсон "Чамайгаа үнсье", "Наян булаг", "Уулзах л юмсан", "Тэнгэрийн бүсгүй" дуунуудаа дуулна. Концертийн гуравдугаар хэсэг дээр миний хайртай "Номин талст" хамтлаг маань гарч ирнэ. 

Та бүхэн мэдэж байгаа, миний амьдрал ороо бусгаа байж, юм юм л боллоо шүү дээ. Тэгсэн ч гэсэн би уран бүтээлчийнхээ хувьд тайзнаа инээгээд эргэн ирж байна. 

Хэдүүлээ элдэв бусын юм бодохоо больцгооё. Нэгэн өдөр жарган цэнгэе гэж урьж байна... 

---