Сонгинохайрхан дүүрэг дэх цагдаагийн газарт Содон хорооллын оршин суугчаас 2022 оны гуравдугаар сарын 01-ний өдөр 22 цаг 13 минутад “дугаар тоотын айлд согтуу хүн агсам тавиад байна” гэх дуудлага, мэдээлэл иржээ.

Дуудлага мэдээллийн дагуу Сонгинохайрхан дүүрэг дэх цагдаагийн газрын хоёрдугаар хэлтсийн алба хаагчид очиж шалгахад тухайн хаягт бага насны хүүхэд тоглож байсан тул бусдын амгалан тайван байдлыг алдагдуулахгүй байх талаар эцэг эхэд нь зөвлөгөө өгч, торгуулийн арга хэмжээ аваагүй байна.

-Цагдаагийн байгууллагаас “Шөнийн цагаар хүүхэд уйлсан, үймүүлсэн” тухай дуудлага мэдээлэлд хариуцлага тооцож байгаагүй, тооцох ч боломжгүй. Учир нь Зөрчлийн тухай хуульд “Зөрчил үйлдсэн, зөрчил үйлдэх үедээ 16 насанд хүрсэн, хэрэг хариуцах чадвартай хүнд энэ хуульд заасан шийтгэл оногдуулж, албадлагын арга хэмжээ хэрэглэнэ” гэж заасан байдаг.

Иймд иргэд та бүхэнд нийтийн зориулалттай орон сууцанд шөнийн цагаар бусдын амгалан тайван байдлыг алдагдуулахгүй байхыг анхааруулж байна хэмээн Сонгинохайрхан дүүрэг дэх цагдаагийн газраас мэдээллээ. 

---