Украины Ахтырка хотын цэргийн бааз Оросын цэргийн хүчний их бууны халдлагад өртсөний улмаас 70 гаруй цэрэг амь үрэгдсэн гэж бүс нутгийн удирдагч Дмитрий Живицкий мэдээлжээ.

Түүний хэлснээр, цэргийн бааз болох дөрвөн давхар байшин тэр чигээрээ шатсан бөгөөд аврагчид нуранги дор дарагдсан хүмүүсийг гаргаж авахаар ажиллаж байгаа аж. Оросын армийн их буу болон пуужингийн цохилтод мөн түлш хадгалах байгууламж өртсөн гэх мэдээлэл байгаа юм.

Харьков болон Киевийн хоорондох Ахтырка хотод мөн өнгөрөгч ням гарагт болсон тулалдааны үеэр олон орос цэрэг болон орон нутгийн зарим оршин суугч амиа алдсан гэж албаныхан мэдээлсэн юм.

\

Түүнчлэн Украины өмнөд хэсгийн Херсон хотыг Оросын цэргүүд бүсэлсэн болохыг тус хотын дарга Игорь Колыхаев мэдэгджээ. Оросын цэргүүд өнөөдөр өглөө хотыг бүх талаас нь хүрээлж, техник хэрэгслээ байршуулан, гарцууд дээр хяналтын цэг байгуулсан гэж "Kiyev Independent" агентлаг тэмдэглэсэн байна. Херсоны дэлгүүрүүдийн агуулах хотын гадна байрладаг тул хоол хүнс оруулж ирэхэд хүндрэлтэй болж байгаа аж.

Эх сурвалж: The Guardian

---