Нийслэлийн төрийн өмчийн цэцэрлэгийн бага бүлгийн бүртгэл энэ сарын 18-нд эхэлсэн. Цэцэрлэгийн бүртгэл өчигдөр буюу хоёрдугаар сарын 24-ний өдөр дууссан юм. 

Тэгвэл өнөөдөр өглөөний 09:00 цагаас эхэлж цахим элсэлтийн үйл ажиллагааг зохион байгуулж, элсэлтийн мэдээ эцэг эх, асран хамгаалагчийн бүртгүүлсэн утасны дугаарт мессежээр очиж эхэлжээ. Үндсэндээ цэцэрлэгийн цахим бүртгэл сугалаагаар шийдэгдэж, тухайн иргэний хүүхэд цэцэрлэгт элсэж чадсан эсэхийн эцэг эхчүүдэд мэдэгдэж эхэлсэн байна.

Өнөөдрийн байдлаар цэцэрлэгт хамрагдах хүсэлтээ илэрхийлсэн 145 мянга гаруй хүүхэд байна. Эдгээр хүүхдүүдийн 3/1 нь л цэцэрлэгт хамрагдана. Үлдсэн хүүхдүүд нь цэцэрлэгт хамрагдаж чадалгүй үлдэж байгаа юм. 

Таны хүүхэд хяналтын тоонд багтаагүй тул цэцэрлэгт элсэх боломжгүй гэх мессежийг авсан эцэг эхчүүдийн хувьд "сурч боловсрох эрхээ сугалаагаар шийдүүлдэг нийгэм. Үнэгүй сурах эрх зөрчигдөж байна. Хүүхэд бүр тэгш эрхтэй байх ёстой" хэмээн цахим орчинд бухимдлаа илэрхийлж эхэлжээ.

 

---