Ховд аймгийн Манхан сумын Тахилт багийн “Их цээрийн булаг” гэдэг газар /аймгийн төвөөс баруун зүгт 100 км-т, сумын төвөөс зүүн зүгт 15 км-т/ 10 орчим метрийн өндөр хадан хясаанаас 1 хүн бууж чадахгүй байна гэсэн дуудлагыг энэ сарын 21-ний өдрийн 15:17 цагт хүлээн авсан.

Тус аймгийн Онцгой байдлын газрын Манхан сум дахь Эрэн хайх, аврах ангийн алба хаагчид 15 км зам туулан очиход малчин Д /38 настай, эрэгтэй/ нь 12 бог малаа буулгах гэж 10 орчим метр хадан хясаа дээр гараад бууж чадахгүй болсныг 16:21 цагт эсэн мэнд буулгажээ.

---