Есөн настай энэтхэг хүү дэлхийн хамгийн залуу иогийн багш болж, Гиннесийн номд бичигджээ. Реянш Сурани нь Арабын Нэгдсэн Эмират Улсын Дубай хотод гэр бүлийнхээ хамт амьдардаг бөгөөд дөрвөн настайдаа эцэг, эхийнхээ хамт иогоор хичээллэж эхэлсэн аж.

Тэгвэл эцэг, эх нь Ананд Шехарын нэрэмжит сургуулийн иогийн багш бэлтгэх 200 цагийн курст элсэж байгааг мэдсэн Сурани мөн элсэхээр шийдсэн байна. Ингээд тэрээр сургалтаа амжилттай дуусгаж, иогийн багшийн гэрчилгээ авсан учир дэлхийн хамгийн залуу иогийн багш болсон гэж Гиннесийн номын төлөөлөгчид тэмдэглэсэн юм.

Сурани хүү энэ талаар "Би иогийн багшийн сургалтад явахдаа багшлах дуртай гэдгээ олж мэдсэн. Иог бол биеийн байрлал, амьсгалын дасгалаас хамаагүй илүү зүйл. Би тэнцвэр, анатомийн гүн ухаан, хоол тэжээлийн тухай олон сонирхолтой баримтыг сурсан. Энэ бол маш эрчимтэй сургалт" хэмээн ярьжээ.

Одоо тэрээр ангийн хүүхдүүддээ иогийн хичээл заахаас гадна сургуулиасаа гадуур хувийн хичээл ч ордог байна.

Эх сурвалж: UPI

---