Хөгжлийн банканд 117.9 тэрбумын өр төлбөртэй Ц.Ууганбаярыг 30 хоног цагдан хорих шийдвэр гарлаа. 

Нийслэлийн прокурорын газраас энэ оны хоёрдугаар сарын 18-ны өдөр Ц.Ууганбаярт “цагдан хорих таслан
сэргийлэх арга хэмжээ авах тухай” санал хүргүүлснийг Сүхбаатар дүүргийн Эрүүгийн хэргийн анхан шатны шүүх хуралдаан авч хэлэлцсэн байна. Улмаар Ц.Ууганбаярыг гэрч хохирогчид нөлөөлж болзошгүй гэх үндэслэлээр 30 хоног цагдан хорих шийдвэр гаргажээ. 

"Шинэ яармаг" төслийг хэрэгжүүлэхээр "Нью Яармаг хаусинг прожект" ХХК нь ТОСК-тай хамтран 2015 оны тавдугаар сарын 28-ны өдөр 142.4 тэрбум төгрөгийн зээл авсан бөгөөд 59.4 тэрбум төгрөгийг барагдуулаад байгаа аж. 

Тэгвэл түүний өмгөөлөгч Г.Тамир "Мөрдөн шалгах ажиллагаанд саад учруулсан гэх үндэслэлээр цагдан хорилоо" гэх тайлбарыг өглөө. 

---