"Бээжин-2022" өвлийн олимп өнөөдөр хаалтаа хийж дурсамж дүүрэн мөчүүд түүх болон үлдэнэ.
Уран гулгалтын төрөлд АНУ-ын Натан Чен эрэгтэйчүүдийн шинэ аваргаар тодорч, дэлхийн дээд амжилт тогтоож, гайхалтай үзүүлбэр толилууллаа. Харин эмэгтэйчүүдийн тэмцээн сэргээшийн асуудал үүсэж олон шилдэг уран гулгагчид нулимс дуслуулан олимп өндөрлөлөө.
Спорт мэдээ, мэдээллийн www.livetv.mn/sport суваг олимпын наадмын хамгийн сэтгэл хөдөлгөм гэрэл зургуудыг цувралаар толилуулж байгаа билээ.
Олимпын хошой алт, мөнгө, дэлхийн зургаан алтан медальт АНУ-ын цанын од Микаэла Шиффрин энэ удаагийн олимпоос медаль хүртэж чадсангүй.
Германы Франческо Фридрих, Торстен Маргис, Канди Бауэр, Александр Шуллер нар дөрвөн хүний бобслейд төрөлд алтан медаль хүртлээ. Фридрих түүхэн хоёр болон дөрвөн хүний төрөлд алтан медаль хүртсэн анхны нисгэгч боллоо.
Пёнчан-2018 олимпын аварга Жесси Диггинс /гүйлтийн цаначин АНУ/ 30 км зайн бөөх гараа төрөлд мөнгөн медаль хүртлээ. Тэрээр мөн ганцаарчилсан спринт төрөлд хүрэл медаль хүртэж гэртээ олимпын хос медальтай буцахаар боллоо.
Их Британы баг энэ удаагийн олимпоос кёрлингийн төрлөөр цорын ганц алтан медаль хүртлээ.
Хятадын уран гулгагч Хан Конг, Суй Вэнжин нар хосын төрөлд өрсөлдөж, дэлхийн дээд амжилтыг үзүүлж, олимпийн анхны алтан медалиа хүртлээ.
Голландын хурдан гулгагч Ирен Шоутен "Бээжин-2022" олимпоос гурван алтан медаль хүртлээ.
Бээжингийн өвлийн олимпын гол "дуулианы эзэн" Оросын уран гулгагч Камила Валиева хэд хэдэн удаа унаж, эмэгтэйчүүдийн ганцаарчилсан төрөлд дөрөвдүгээр байр эзэлсэн. 15 настай од бүсгүй олимпын өмнө буюу арванхоёрдугаар сард хориотой бодис хэрэглэсэн болох нь тогтоогдсон бөгөөд түүнийг допингийн эсрэг дүрэм зөрчсөн эсэхийг албаныхан үргэлжлүүлэн шалгаж байна. Түүний тэмцээнд оролцох эрхийг түр хугацаагаар нээсэн хэдий ч медалийн болзол хангасан бол мөрдөн шалгах ажиллагаа дуустал медалийг нь өгөхгүй байх байлаа.
Эмэгтэй хоккейн алтан медалийн төлөөх тоглолтод Канадын баг АНУ-ыг 3:2 харьцаагаар буулган авсны дараа баяраа тэмдэглэж байна.1998 онд эмэгтэй хоккей олимпын төрөлд орсноос хойш Канад, АНУ л алтан медалийг ээлжлэн авсаар байна. Сүүлийн дөрвөн олимпод хоёр улс алтан медалийн төлөө учраа тааран тоглоход гуравт нь Канад түрүүлсэн байдаг.
