Хан-Уул дүүргийн 20-р хорооны 27/1 байрны хойд талд байдаг хоосон хашааны асуудлаар Хан-Уул дүргийн Засаг дарга Ж.Алдаржавхлан тухайн газрыг цуцлуулах хүсэлтийг 2021 оны 11 сард Нийслэлийн Засаг дарга Д.Сумъяабазарт хүргүүлсэн аж.

Мөн Улаанбаатар дулааны сүлжээ ТӨХК-руу иргэдийн хүсэлтийг уламжилж шийдвэрлүүлэхээр албан тоот хүргүүлсэн. 

Үүссэн асуудлын хүрээнд дүүргийн орлогч дарга С.Сайнбаяр, төлөөлөгч А.Отгон-Эрдэнэ, газрын алба болон бусад албаны хүмүүс газар дээр нь ирж танилцан арга хэмжээ авч ажиллалаа. Өнөөдөр  /2022.02.17/  газар зохион байгуулалтын албанаас хашааг буулгах мэдэгдэл өгч, тухайн хугацаанд хашааг буулгахгүй бол албадан буулгахаар болжээ гэж Хан-Уул дүүргийн ЗДТГ-аас мэдээлэв.

---