Монгол улсын Шадар сайд С.Амарсайханы ахлан ажиллаж байгаа Хилийн боомтын үйл ажиллагааг сайжруулах ажлын хэсгээс ГХЯ-аар дамжуулан БНХАУ-д удаа дараа хүсэлт тавьсны дагуу өнөөдөр Эрээн хотын цар тахлаас урьдчилан сэргийлэх хянах шуурхай штабаас 90 дугаартай мэдэгдлийг гаргаж, 2022 оны 1 дүгээр сарын 27-ны өдрийн 00.00 цагаас эхлэн Хятадын талаас Эрээн төмөр замын боомтоор 3 сарын хугацаанд Замын-Үүд боомтод саатаад байсан нүүрс, төмрийн хүдэр, зэсийн баяжмалыг шат дараатайгаар татан авах боломжтой болсноо мэдэгджээ. Мөн автозамаар чингэлэгтэй авах нүүрсний импортыг албан ёсоор эхлүүлж байгааг хятадын тал илэрхийлсэн байна. 

---